TAKK FOR NO!
UM 2015 i Ulsteinvik er over, og Dimna IL takkar for no!
Det har vore ei flott erfaring og ei stor oppleving å arrangere noregsmeisterskap for ungdom på heimebane.
Den nye Ulsteinhallen har fungert flott, og alle som har bidrege til gjennomføringa av stemnet har god grunn til å vere stolte.
Takk til deg som var her som deltakar, trenar eller lagleiar, og som gav oss så mange store og små idrettsopplevingar!
Takk til Høgskulen i Volda som sørga for direktesendingar ut til folket! Takk til deg som såg på, til deg som delte UM-gleder og kom med nyttige innspel på Instagram, Facebook og andre medium. Takk til deg som møtte opp, heia eller støtta opp om arrangement på andre måtar!
Vi håpar du hadde ei fin UM-helg i Ulsteinvik!
Venleg helsing
alle oss i Dimna IL
